ރައްޔިތުންގެ މަޖިލީހަކީ ސަރުކާރު ހިންގާނެ ގޮތް ބުނެދޭނެ މައި އިދާރާއެވެ. ގައުމެއްގެ ރައީސެއް އޭނާ ބޭނުންވާނެ ކަންތައްތައް ގާނޫނީ އިމުން ނަމަވެސް ކުރެވޭނީ މަޖިލީހުގެ ހުއްދަ އޭގައި އެކުލޭވޭ ގޮތަކަށެވެ. ކިތަންމެ މުޅޮ ޕްލޭންތަކެއް ފަރުމާކުރިއަސް މަޖިލީހުގެ ހުއްދައާނުލައި ،މަޖިލީހުން ނިންމާ ގޮތަކަށް ނޫނީ އެކަމެއް ނުކުރެވޭނެއެވެ.
ރާއްޖޭގެއި ޒަމާނުއްސުރެ ރައްޔިތުންގެ މަޖިލީހުގެ ރައީސަކަށް ހުންނަނީ ސަރުކާރުގެ ނުފޫޒު އޮންނަ މީހެކެވެ. ނުފޫޒު މިތާ ބޭނުން ކޮށްފައިވަނީ އެއިރަކު ވެރިޔަކަށް ހުންނަ މީހެއްގެ ސީދާ ކޮންޓްރޯލްގައި ހުންނަމީހަކަށް ވާތީއެވެ. ފަހުގެ ތާރީހަށް ބަލައިލައިފިނަމަ ރައީސުލް ޖުމްހޫރިއްޔާ އައްޔަނުކުރާ ރައީސެކެވެ.
ސީނާ ޒާހިރަކީ މަޖިލީހުގެ ރައީސްކަމުގައި އިންނެވިއިރު ގަވާއިދަށް ކަންކަން ގެންދާވާކަމަށްދައްކަވާ އެހެނަސް ޕާޓް ޓައިމް ސަރުކާރުގެ ހާދިމެކެވެ. މަޖިލީހުގެ ރައީސްގެ ހައިސިއްޔަތު ބޭނުން ކޮށްގެން ވަނީ ތަފާތު ފަހަރުމަތިން ސަރުކާރަށް ފައިދާވާ އެތައް ކަމެއް ކުރައްވާފައެވެ.
ހިއުމަން ރައިޓްސް ކޮމިޝަނުނަށް ނަން ހުށަހަޅަން ރައީސް މައުމޫނަށް ލިބިވަޑައިގެން ގާނޫނީ މުއްދަތު ހަމަވެދާނެކަމުގެ ބިރުގައި އެ ދުވަހުގެ ދަންވަރުވަނީ މަޖްލިސް އެއްކުރައްވާ ޖަލްސާއެއް ބާއްވާފައެވެ. ކޮމިޝަނުގެ މެމްބަރުންގެ ގޮތުގައި ހަމަޖައްސަވަން ފެންނަ ނަންތައް ހުށަހަޅުމަށް މަސްތަކެއް ރައީސް މައުމޫނަށް ލިބިވަޑައިގެން އެކަން ނުކުރައްވާ، ތާރީހް ފަހަނައަޅަން ކުޑަ ވަގުތުކޮޅެއްވެފައި ވަނިކޮށް މަޖިލިސް އެއްކުރެއްވީ ކޮންކަމަކުތޯއެވެ. ރައީސް މައުމޫނުގެ ފަރުވާކުޑަކަމުގެ ޒިންމާ މަޖިލީހުގެ ރައީސް އުފުއްލަވާކަށް ނުޖެހެއެވެ.
ބަންޑާރަ ނާއިބް އާޒިމާ ޝަކޫރުގެ އިތުބާރު ނެއްކަމުގެ މައްސަލަ މަޖިލިސް ގަވާއިދާ އެއްގޮތްވާ ގޮތުގެ މަތިން މެމްބަރުން ސޮއި ކޮށްފައި މަޖިލިހަށް ހުށަހެޅުމުން އެ ވަނީ ސީނާ ޒާހިރު ބަލައިނުގަތް އެއްލާލާފައެވެ.
ގާނޫނު އަސާސި ތަސްދީގުކުރުން ލަސްވަނީ ކޮންމެހެން މުހިންމު ބިލް ތަކެއް ނުނިމިގެންކަމަށް ސަރުކާރުން ކިޔަންފެށުމުން މަޖިލީހުގައި އާންމުގަވާއިދުތަކުގެ ބިލް ފާސްވަންދެން މަޖިލިސް ކުރިއަށް ދެއްވުމަށް ޒީނާ ޒާހިރު ހުށަހަޅުއްވިއެވެ. މީގެ ހެއްވާ ކަމަކީ މަޖިލީހުގައި ގައުމީ މުހިންމު އެތައް މައްސަލައެއް ބަހުސް ކުރާދުވަސްތަކުގައި ރިޔާސަތުން އިސްނަގައިގެން ޖަލްސާ ދިގުކުރުމަށް ހުށަނާޅާކަމެވެ. ނަމަވެސް ރައީސް މަުއުމޫނަށް ގާނޫނު އަސާސި ތަސްދީގުކުރެއްވެން އަންނަނީ ވަކި ބިލްތަކެއް ފާސްކޮށްގެންކަމުގައި ވިދާޅުވާތީ މިކަން ކުރެއްވިއެވެ. މިކަހަލަ ސަރުކާރުކޮޅަށް ދީލާލާ އެތައް ކަމެކެވެ.
އާދިއްތަ ދުވަހުގެ މަޖްލިހަށް ނަޒަރު ހިންގާލުމުންވެސް މިފަދަ މުސްތަގިއްލު ރިޔާސަތެއް ބޭނުންވާކަން އެނގެއެވެ. ވިސްނާލައްވާށެވެ. ދ އަތޮޅު މެމްބަރު ވޯޓް ލެއްވި މެމްބަރުންގެ ސުލޫކީ މިންގަނޑާ ހިލާފަށް ސަރުކާރު ހިއްސާވާ ކުންފުނީގެ ބޮޑު މެމްބަރެއްގެ ގޮތުގައި ހުންނަވައިގެންކަމަށް އުފެދުނު މައްސަލާގައި، ރިޔާސަތުން ވިދާޅުވީ ޝިޔާމު މަގާމުން ވަކިކުރިކަމުގެ ސިޓީ ރައީސް އޮފީހުން އެ އިދާރަށް ފޮނުވާފައި ނުވާ ކަމުގައެވެ. އެކަމަކު ދެން ވީ ގޮތް ދެކިބަލާށެވެ. ކުއްލިއަކަށް އެމައްސަލަގަނޑުތެރޭ އެބުނާ ސިޓީ ރިޔާސަތަށް ރައީސް އޮފީހުން ފޮނުވައިފިއެވެ. މިފަދަ ފައްތަރެއްގައި ރައީސްގެ މެމްބަރަކާ ރައީސް އޮފީހުން ގުޅިގެން ހިންގާނީ އެއް ކަމެކެވެ.
ކޮންމެ ގޮތެއްވިއަސް އިސްތިއުފާ ނުދެއްވާ ހުރެ ސީޔާމް އެ ވޯޓް ގައި ބައިވެރި ވަޑއިގެންފައިވާނަމަ އެ ވާނީ ބާތިލް ވޯޓަކަށެވެ. ވޯޓުގެ ކަންތައް ނިމިގެން އެ ބުނާ ސިޓީއެއް މަޖިލީހަށް ލިބުނުކަމުގައި ވިއަސް ވޯޓް ލެއްވިއިރު އެ މެމްބަރަށް މަގާމުން ވަކިނުވާނަމަ ގާނޫނު އަސާސީއާ ހިލާފްވާނެއެވެ. އެ ލެއްވި ވޯޓް ބާތިލް ވާނެއެވެ.
އާދިއްތަ ދުވަހުގެ ރިޔާސަތުގައި ސަރުކާރުގެ ނުފޫޒު ނެތް މެމްބަރެއް އިންނެވިތަން މިއިންވެސް ދައްކައިފިއެވެ.
ހަނދާނަށް ގެންނަންޖެހެނީ އާދިއްތަ ދުވަހު މަޖިލީހުގެ ރިޔާސަތުގައި އިންނެވި ތ މެމްބަރު ހަސަން އަފީފް، ކުރީގެ ބާރުގަދަ އެޓޯލްސް މިނިސްޓަރު އަދި މަޖިލީހުގެ ރައީސް އަބްދުﷲ ހަމީދުގެ ދައުރުގައި ، އާންމު އިންތިހާބުގެ ގާނޫނަށް އިސްލާހުގެނައުމަށް ހުށަހެޅުއްވުމުން ކަންތައްވީ ގޮތެވެ. މަޖިލިހުން އެ ބިލް ބަލައިގަނެ އެޖެންޑާކުރައްވާފައިވަނިކޮށް އަބްދުﷲ ހަމީދު އެޖެންޑާއިން އެ އުނިކުރެއްވިއެވެ. އުނިކުރައްވަމުން ވިދާޅުވީ ތިމަންނައަކީ މަޖިލީހުގައި މެމްބަރުން ދައްކަވާ ވާހަކަތަކުގެ ފިލިކޯޅި ހަމަކުރަން ހަމައެކަނި އިންނަ މީހެއް ނޫން ކަމަށާއި ސަރުކާރުގެ ގަދަރާއި ޝަރަފުވެސް ރައްކާތެރިކޮށްދޭންޖެހޭ ކަމަށެވެ.
5 comments:
very true
This is very true. I like the way Afeef handled the session as it showed democratic values. It would have been worse if it were headed by a Dictator like Gayyoom, Anni, Umar Naseer or Munawwar.
Anni is not a dictator.He is good leader....
If Anni is a good leader, why isn't anyone else in MDP has no say on how to run the party. MDP is a pet project of Anni. One of the reason for the decline of support of MDP is this. Anni's political career is now almost over. He's not no support of the intellectual community of Maldives. He has some support of the grassroot, but this is also declining. I used to support the guy before, but if he goes neck and neck with Gayyoom, I have to vote the least worst among the two dictators, which is Gayyoom.
Hey is this a debate going on. Anni is a dictator for those who r sold out for Jumhooree Party and for those who support Qayyoom's regime. Anni is with the people, for the people and by the people. Just wait and see Insha Allah he will b our next president.
Post a Comment