އޮނުކުރި ކޮލަމް
3 އޮކްޓޯބަރ2008
ޑީއާރުޕީގެ ރިޔާސީ ކެންޑިޑޭޓް މައުމޫނާއި ތަސްމީނަކީވެސް ފެއިލްވެފައިވާ ދެމީހުންނެވެ. މިކަމުގެ ހެކިތައް ބައިވަރެވެ. މައުމޫނުގެ ފަތިފުށް ނޭނގޭ މީހަކު ނުހުންނާނެއެވެ. މިވޭތުވެދިޔަ 30 އަހަރު ދުވަހު މައުމޫނުގެ ސިޔާސަތުތައް ވަނީ ފެއިލް ވެފައެވެ. އެކަމަކީ ، ދުވާލުގެ އިރާއި ރޭގަނޑުގެ ހަނދު ފަދައިން ފެންނަންހުރި ހެކިތަކެކެވެ. އިތުރު ހެއްކަކަށް ކޮންމެހެން އުއްބައްތިއެއް ދިއްކުރާކަށް ނުޖެހެއެވެ. އެއަށްވުރެ އެ ހެކީގެ އަލިކަމާއި ފާޅުކަން ގަދައެވެ.
މައުމޫނުގެ އެންމެ ބޮޑު ފެއިލްއަކީ ، އެތެރެއާއި ބޭރުގެ ޕްރެޟަރުން ، 30 އަހަރުން ޕާޓީހަދައި އެޕާޓީން މައުމޫނު ނޫން އެހެން މީހަކަށް ފުރުޞަތު ނުލިބުމެވެ. އިތުރު ލީޑަރޟިޕެއް ނުއުފެއްދުމެވެ. މިއަދު ޤާނޫނު އަސާސީން ލިބިފައިމިވާ މިނިވަންކަމުން މަޙުރޫމުކޮށް ، ޕާޓީގެ ހުރިހާ މެންބަރުންގެ ކިބައިން ، މިނިވަންކަމުގެ ޙައްޤު ނިގުޅައިގެންފައި ވުމެވެ. މައުމޫނިއްޔަ އަޅުވެތިކަމުގެ ނިޒާމުން ސަރުކާރުގެ ހުރިހާ މުއައްޒަފުން އަޅުވެތިކޮށްފައި ބައިތިއްބުމެވެ. ބަލިހިކަނދިތަކެއްހެން އެންމެން ތުންގަނޑު ބިމަށް ހަރައިގެން ތިބެ މައުމޫނަށް ސަޖިދަ ކުރަން ދަސްކޮށްދީފައި އޮތުމެވެ. ހިތުގެ ވިންދާއި ޟުޢޫރުތަކާ ދެކޮޅަށް މައުމޫނަށް ތަބާވާން މަޖުބޫރުކުރެވިފައި އޮތުމެވެ. މިއަށްވުރެ ބޮޑު ފެއިލްވުމެއް ޤައުމެއްގެ ވެރިޔަކަށް ނޯންނާނެއެވެ.
މޯކުޅި ޙަމީދުމެން ، ލާދީނީ ކަންތައްތައް ކޮށް އެއްޖިންސުން ގުޅުން ހިންގާއިރު އެތިބެނީ ޖަސްޓިސް މިނިސްޓަރަށެވެ. ފަތުޙުﷲ މެން ރާބޯއިރު އެތިބެނީ ފޮރިން މިނިސްޓަރަށެވެ. ޙަރާމުން ޙަރާމުމެން މައުމޫނު ބޭނުންވާ ގޮތަކަށް ދީނީ ފަތުވާ ނެރެން ބުދެއްހެން އެހުންނަނީ އުއްތަމަ ފަނޑިޔާރަށެވެ. މިއައްވުރެ ވަކިން ބޮޑު ފެއިލްވުންތަކެއް އޮންނާނެ ބާވައެވެ.
ދެންހުރީ ރަނިންމޭޓް ، ތަސްމީނެވެ. ތަސްމީނަކީ ބިރުގަންނަ ފިޑިއެކެވެ. މިހާތަނަށްކުރި އެއްވެސްކަމެއްގައި ކާމިޔާބީއެއް ޙާޞިލުކުރެވިފައިނުވާ ދެއުޅިވެސް ހަމަނުވާ ސޮހޮލެކެވެ. އިހަށްރޭ ދެއްކި ތަސްމީނުގެ ޕްރޮފައިލް ވަރަށް ސަޅިއެވެ. އެކަމަކު އޭގެ ޗަސްޕެއް ނެތެވެ. ޙަޤީޤަތެއް ނެތެވެ. ނިކަން މިވާހަކަތައް އަޑުއަހާލަ ބަލާށެވެ. މިއީ ތަސްމީނުގެ އަޞްލު ޕްރޮފައިލެވެ.
ރަނގަޅެވެ. ހުރީ ކިޔަވައިގެންނެވެ. ވެރިކަންކުރަން ވެގެން އިނގިރޭސިވިލާތުގެ އިތުރުން މިސުރުންވެސް ކިޔެވިއެވެ. ބައްޕަގެ ތަނަވަސްކަމުން މުއްސަނދިކަން ލިބިފައި ވެއެވެ. ޙަޔާތުގެ ހުރިހާކަމެއްހެން ފުރިހަމަ ކުރަމުން އައީ ފައިސާގެ ނުފޫޒު ފޯރުވައިގެންނެވެ.
ބ އަތޮޅުގެ މެންބަރުކަން ހޯދާފައިވަނީ ފައިސާ ޚަރަދުކޮށްގެންނެވެ. ފައިސާ ބަހައިގެންނެވެ. ޢަންބަރީއަށްވުރެ ކުރި ހޯދައި ، އިންތިޚާބުގައި 1 ވަނަ ހޯދުމަށް އެތައް މިލިޔަން ރުފިޔާއެއް ބ އަތޮޅަށް ޚަރަދު ކުރިއެވެ. މެންބަރުކަން ލިބުމަށްފަހު ، ވާޖިބާއި މަސްއޫލިއްޔަތު އަދާކުރެވިފައެއް ނުވެއެވެ. އެންމެ އިސްނެގުމެއްވެސް ބ އަތޮޅު ނުވަތަ މުޅިރާއްޖޭގެ ރައްޔިތުންގެ ޙައްޤުޤައި ނަގާފައެއް ނުވެއެވެ. ރައްޔިތުންގެ ޙައްޤުޤައި ވަކާލާތުކޮށް ރައްޔިތުންގެ މަޖިލީހުގައި ވާހަކަ ދައްކާފައެއް ނުވެއެވެ. މަޖިލީހުގެ ގެޔަޢް ވަންނަމުން އެންމެ ދެރަވެގެން ބިސްމިވެސް ކިޔާލާފައެއް ނުވެއެވެ. މިހެންވެ މިހިސާބުން މެންބަރުކަމުން އެއޮތީ ފެއިލް ވެފައެވެ.
އެޓޮލްސްގައި ދަންޑެހެލު ނުވަތަ ، އެޓޮލްސް މުއައްޒަފުންގެ ބަހުންނަމަ ، ކުޑަމީދާ މިނިސްޓަރަކަށްހުރި އިރު ކުޑަކޮށް ކުރިޔަށް ޖެހިލިއެވެ. މިއީވެސް ފައިސާގެ އެހީގައި ހޯދި ކާމިޔާބީއެކެވެ. ކޮންމެހެން ޤާބިލް ކަމުން ހޯދި ކުރިއެރުމެއް ނޫނެވެ. މިކަން ކުރީ ކުޑަމީދަލުގެ އެހީއަށް މީހުންލާ ސިޓީއަށް ކުޑަމީދަލުގެ ނަމުގައި ފައިސާގެ އެހީދީގެން ކުޑަމީދަލަށް މަޖުބޫރުވެގެންނެވެ. އެހީއަށް އެދި ކުޑަމީދަލަށް އަންނަ ހުރިހާ ސިޓީއެއް ކުޑަމީދާ ފޮނުވަނީ ތަސްމީނުއަތަށެވެ. އެ ހުރިހާ ސިޓީއަކަށް ، ކުޑަމީދާ ދޭ އެހީގެ ގޮތުގައި ފައިސާ ދިނީ ތަސްމީނެވެ. އޭގެ އިތުރަށް ، ތަސްމީނުގެ ވ އަތޮޅުގައި އޮންނަ އާރަށަށް ، ޢާއިލާގެ އެންމެން ގޮވައިގެން ، ކުޑަމީދާ ޗުއްޓީ ހޭދަކޮއްލަން ހަފުތާ ބަންދަށް ދާންވީމަ ހުރިހާ ޚަރަދެއް ހަމަޖައްސަނީވެސް ތަސްމީނެވެ. އެހެންކަމުން ، ކުޑަމީދަލަށް މަޖުބޫރުވީ ކުޑަ ނަމަވެސް ވަޒީފާގެ ކުރިއެރުމެއް ދިނުމަށެވެ.
މޯކުޅި ޙަމީދަކީ ތަސްމީނު ހިތްހަމަޖެހޭ މީހެއްނޫނެވެ. އެކަން ދާދި މިދާކަށް ދުވަހު ބ އަތޮޅުން އެފެނުނީއެވެ. އޭދަފުށީ ސަލީމު ލައްވާ މޯކުޅި ޙަމީދު އުފައްދާފައިވާ ޕާޓީގެ މީހުން ލައްވާ އެއޮތީ ތަސްމީނުގެ ލޮލަށާއި ބޮލަށް ވެލި އުކާފައެވެ. މޯކުޅި ޙަމީދު އެޓޮލްސަ އަށް އައުމާއެކު ޒުވާނުންނާބެހޭ މިނިސްޓްރީއަށް ބަދަލު ވިއެވެ. އެތާނގައި އެހެން ހުއްޓާ ތަސްމީނު ނޫން އެހެން ހުރިހާ މީހުންނަށް ޕްރޮމޯޟަން ލިބުނު އިރުވެސް މީނާއަކަށް ވީކަމެއް ނެތެވެ. ޒާހިރު ޙުސައިނު ހުރީ ތަސްމީނާ ބެހޭ ހުރިހާ ފޮއްތައް ވައްގަނޑަށް ލައްވާގެން އަޅާވެސް ނުލައެވެ. ޢާޞިމާމެން ނައިބުންނަށް ހެދި އިރުވެސް ތަސްމީނަށް ލިބުނު ކުރިއެރުމެއް ނެތެވެ. އެމިނިސްޓްރީގައިވެސް ކިރިޔާވެސް ހިފަހައްޓާ ލެވުނީ ފައިސާ ޚަރަދު ކޮއްގެންނެވެ. ޢަލީޒަކީމެން ލައްވާ ޒުވާނުންގެ އެކި ކަންކަމަށް އަމިއްލަޔަށް ބައްޕަގެ ފައިސާ ޚަރަދުކޮއްގެންނެވެ. ޒުވާނުންގެ ކަންކަމަށް ބަޖެޓްގައި ނެތްލާރި އަމިއްލަ ޖީބުން ދީގެންނެވެ. ޒާހިރަށްވެސް މިކަންވީ މާމޮޅު ކަމަކަށެވެ. ޒާހިރުގެ މިނިސްޓަރު ކަމުގައި ބަޖެޓްގައި ލާރިނެތް އެތައްކަމެއް ކުރެވުނީތީއެވެ. ޚަރަދު ކޮށްކޮށް ކޮޅުންލީއިރުވެސް ވީކަމެއް ނެތެވެ. ފައިސާއިން ޤާބިލުކަމެއް ނުހޯދުނެވެ.
ދެން ބަދަލުވީ ޓްރޭޑަށެވެ. ޓްރޭޑްގައި ފައިސާއިން މާބޮޑުކަމެއް ނުކުރެވުނެވެ. އެ ފުރުޞަތެއް ޔާމީނު ނުދިނެވެ. އެހެންވެ އޮފީހަށް އަންނަނީ އަންނާނެ އިރަކުންނެވެ. އޮފީހުގައި ކުރެވޭނެ މާގިނަ މަސައްކަތެއް ނުހުރެއެވެ. އެހެންކަމުން ޔާމީނަކަށްވެސް ވަޒީފާގެ ކުރިއެރުމެއް ނުދެވުނެވެ.
ދެންއައީ ބަހާރު މޫސުމެވެ. ޑީއާރުޕީ އުފެދިއްޖެއެވެ. މައުމޫނު ހުރީ ފައިސާ ޚަރަދުކުރާނެ މީހުންނަށް ބޭނުން ވެފައެވެ. ސަންޓްރެވަލް ސިޔާމުމެން ކަހަލަ ޔާމީނުގެ އަޅުން ޕާޓީއަށް ޚާރަދު ކުރަން ފެށިއެވެ. މަޑުމަޑޫން އޭގެ ތެރެޔަށް ވަންނަމުން އައިސް ، ޒަޢީމުގެ ސަމާލުކަން ހޯދައިފިއެވެ. ޒަޢީމުވެސް ހުރީ ތަސްމީނުމެން ކަހަލަ ބައްޕަގެ ނަމަވެސް ލާރިލިބެންހުރި މީހަކަށް ބޭނުންވެފައެވެ. އެހެން ނޫނީ ޕާޓީ ކޮޅާސް ޖެއްސޭކަށް ނެތެވެ. އިލްޔާސްމެންނެއް ޚަރަދެއް ނުކުރެއެވެ. އެފައިސާ ހުރީ ފިލައިގެން ދާންޖެހުމުން ބޭނުންކުރަން ފަހަށް ރައްކާ ކޮއްފައެވެ.
ޕާޓީގެ މަތިފަޑިޔަށް ތަސްމީނުވެސް ދެމިގެންފިއެވެ. ޤާބިލުކަމަކުންނޫނެވެ. ހަމަ ފައިސާ ޚަރަދު ކޮއްގެންނެވެ. އެންމެ ފަހުން ޒަޢީމުވެސް އަތްދަށުލީއެވެ. ތަސްމީނު ކަހަލަ ލާރި އަތުޖެހެން އޮތް މޮޔަޔަކު ލިބުނީމަ ޒަޢީމުވެސް ހައްޓަކު ހެއެއް ނެތެވެ. ސަރުކާރު ލާރިން މުއްސަނދިކަން ހޯދައިގެން ތިބި ސަންޓްރެވަލް ސިޔާމުމެން އެއްފަރާތްކޮށް ބައިވެރިޔާގެ ގޮތުގައި ޚިޔާރުވެސް ކުރީއެވެ. ފަހުން ލަނޑުދޭގޮތަށެވެ.
އެކަމަކު ލާރިޔަކަށްވެސް ނުގުޑިތާއެވެ. ބ އަތޮޅަށް އެހާބޮޑު ޚަރަދުތަކެއް ކޮއްފާ އޮތް އިރުވެސް ، ރަށްރަށަށް ނާރުވާ ، ލޮލަށާއި ބޮލަށް ވެލި އުކާފަ ރަށުން ބާލާނީ ލާރިޔަށްވެސް ނުގުޑާތީއެވެ. އެހެންކަމުން މިކަމުންވެސް އެދަނީ ފެއިލް ވަމުންނެވެ. މި ވަދެވެނީ ތިމާގެ ހަލާކުގެ ދޮރޯށިންކަން ނޭނގި ނުވަތަ އެނގިގެން އެހެން ރޭވުމެއްގެ ދަށުން އެހެރަދަނީ ތިމާ ފެއިލް ވަމުންނެވެ.
ދެން ފެނުނީ މައުމޫނުގެ ހޯމް މިނިސްޓަރަށް ވީތަނެވެ. ޢަދުލު އިންސާފާއި ހަމަހަމަކަމުގެ ކުލައެއްވެސް ނެތް ދޯހަޅި ސިޔާސަތެއްގައި ރައްޔިތުންގަނޑު އަރައިގެންފިއެވެ. ޖަލުތަކުގައި ކުއްވެރިން މަރަން ފަށައިފިއެވެ. މަގުމައްޗަށް ސިޔާސީ އެކްޓިވިސްޓުންނާއި މީހުންތައް ނުކުންނަން ފަށައިފިއެވެ. ޟޯޟަލް ޖަސްޓިސް ގެއްލި ނިމުނީއެވެ. މިއިން އެއްވެސް ކަމަކާ ކެރިގެން ކުރިމަތިލާނެހާ ހިތްވަރެއް ނެތެވެ. ރައްޔިތުން ކުރިމައްޗަށް ނުކުމެ ޗުއްޕުވެސް ބުނެލާކަށް ނުކެރުނެވެ. ފައިސާޔަކަށް ނުގުޑިއެވެ. އެރި ޕްރެޟަރުގަނޑުގައި އިސްތިއުފާ ސިޓީ ލައިފިއެވެ.
މައުމޫނަކަށް ، ތަސްމީނު ދޫކޮށްލާކަށް ނުކެރުނެވެ. އެއަށްވުރެ ލާރި ގިނަވީމައެވެ. ކޮންމެހެން ހިންގޭމީހަކަށް ވެގެންނެއް ނޫނެވެ. ޕާޓީ ހިންގަން ލާރިދޭ މީހަކަށްވާތީ ، ފައިސާގެ ޕޮޓެންޟަލް ހުރީމަ ސަރުކާރުން ވަކި ނުކޮށް ، ރާޒުވާ ކުޅިބައި މައުމޫނު އަތުރާލިއެވެ. އެޓޮލްސް މިނިސްޓްރީ ޙަވާލު ކުރިއެވެ.
މިވޭތުވެދިޔަ ތިން އަހަރަކީ ، ރާއްޖެތެރެ އެންމެ ދަށްކޮށް ހިނގި ތިން އަހަރެވެ. ރާއްޖެ ތެރޭގެ ރައްޔިތުން އެންމެ ނިކަމެތިވީ ތިން އަހަރެވެ. ތަރައްގީގެ ކަންކަން މަޑުޖެހިގެން ދިޔަ ތިން އަހަރެވެ. އަތޮޅު އަތޮޅުގައި އަތޮޅުވެރިން ނެތި އެންމެ ގިނަ ދުވަސްވީ ތިން އަހަރެވެ. ރައްޔިތުން ނުކުމެ ރަށު އޮފީސް އެންމެ ގިނައިން ބަންދުކުރި ތިން އަހަރެވެ. އެހެން މިނިސްޓަރެއްގެ މިނިސްޓަރުކަމުގައި ރައްޔިތުން ނުކުމެ އޮފީހެއް ބަންދުކުރިކަން އަދި އެނގިފައެއް ނެތެވެ. އެހެން ކަމުން އެޓޮލްސް އެންމެ ދަށްކޮށް ހިނގީ ތަސްމީނުގެ މިނިސްޓަރުކަމުގައެވެ. މިއީ ފެންނަންހުރި ހަޤީޤަތެވެ. ފެއިލުގެ މައްޗަށް ފެއިލް ވީއެވެ.
ދެން ބައްޕަގެ ލާރިން އެހެދީ ރީތިބީޗް ރިސޯޓެވެ. ރިސޯޓު ނުހިންގިގެން މިހާރު ވިއްކާލައިފިއެވެ. ދެން ހެދީ މަސް ބަންދު ކުރާ ކާރުޚާނާއެކެވެ. ދެކުނުގެ އަތޮޅެއްގައެވެ. އިޤްތިޞާދީ ދާއިރާއިން ފެށި ދެމަސައްކަތްވެސް އެވަނީ ފެއިލް ވެފައެވެ. މިހާރު އެހަދާ ދެރިސޯޓް އެހަދަނީ ބައްޕައެވެ. ޢާއިލީ މުއްސަނދިކަމުން ތިމާ ކޮޅަށް ހުއްޓަސް މިފަދަ ކަންކަމަކަށް އެއްވެސް ޤާބިލުކަމެއް ނެތެއް ނޫންހެއްޔެވެ. މިޔަށް ކިޔާނީ ފެއިލްވުން ނޫން ދެން އެހެން ކޮން ނަމެއް ހެއްޔެވެ. މިވަރުގެ މީހަކު ރާއްޖޭގެ ރައީސްގެ ނައިބުކަމަށް ކުފޫ ހަމަވޭ ހެއްޔެވެ ؟ ނޫނެކެވެ. ހަމަވާން ކައިރިވެސް ނުވެއެވެ.
ހަގީގަތުގައި ގޮޅަޔާ ތަސްމީނާ މީ ވަރަށް ގުޅޭ ދެމީހުންނެވެ. ދެމީހުން ދަމާ، ހިފާ، ބޮއި ކޮއްޕާ ހަދާ ހިތްވަނީވެސް ހަމަ އެއްފާޑެއްގެ އެއްޗެކެވެ. އާދެ! ޝައްކެއްނެތެވެ. ދެބޭފުޅުންނަކީވެސް އޮނު ފުމުމުގެ ރޮގުގައި ހަމަ ވަރަށް ކުޅަދާނަ ދެބޭފުޅުންނެވެ.
4 comments:
Yes both of them are. Tasmeen adhi varah moya ehenveema golhayaa ekunikuthee.Tasmeen Addu attolh ah aidhuvahu S.HULHUDHOO meehu Golhaa beylivagutu aharen huree Tasmeen mirashah aeetee varah dhera vefa ei Tasmeen akee aharenge aailee gulhunhuri meeheh. Adhives Tasmeen ah furusathu ebaoh Golhaa aai vakivey. NASEYHATHEH>>
meena school ga ulhunu iruves meenaage filaavalhu thah liyedheyn jeheynee ehen kudhinnah laari dheegen.
ACHEEEDI bodu chaka angagandu.
You reminds me of a very skinny lady MR. LADY THASMEEN. dont laugh infront of the podium. It shows that u'r potentially not very man like. Just like a puppet you talks infront of people.
Thasmeen saallaa Baa Goidhoo mee hun nann hadhaaligohh aharumenn raganlhahh handhaan ebahuri..... Patey thakakahh valhiyaaa dhandiburi dheefa fonuvi saalllaa ehh eeyy... dhuvahakuves Goidhoo akahh neyreyne....
Post a Comment