އެޑިޓޯރިއަލް
ޤައުމެއްގެ ތާރީޚުގައި ފާހަގަ ކޮށްލެވޭ ފަދަ ކަމެއްކުރެވެނީ ވަރަށް މަދުމީހަކަށެވެ. އަދި ޤައުމެއްގެ ތާރީޚު ބަދަލުކޮށްލެވެނީ އެއަށްވުރެންވެސް މަދު މީހަކަށެވެ. މިއަދު މުހަންމަދު އިބުރާހީމަށް ލިބިފައި ތިއޮތީ، ދިވެހި ތާރީޚުދުށް އެންމެކަޅު ސަފުހާތަކުގެ ތެރޭގައި ހިމެނޭ ސަފުހާތަކެއް އޮޅާލައި، އައު އުޖާލާ މުސްތަޤުބަލެއްގެ ދެލިކޮޕީ ފަތުރާލުމުގެ ފުރުސަތެވެ. އާދެ، ރާއްޖޭގައި ބޭއްވޭ އެންމެ ފުރަތަމަ މިނިވަން އިންސާފުވެރި އިންތިޚާބުގެ މޭސްތިރި ކަމަށްވުމުގެ ފުރުސަތެވެ. މިފުރުސަތުގެ ބޭނުން ހިފުމުގެ ލިޔާޤަތާއި ޤާބިލިއްޔަތާއި އަދި ވަކިން ޚާއްސަކޮށް ހިތްވަރު، މުހަންމަދު އިބުރާހީމުގައިގަ ހުރިތޯ ނެތްތޯ، ކުރިޔަށް އޮތް ހައެއްކަ ހަފުތާގައި ދިވެހި ރައްޔިތުންނަށް ހާމަ ވެގެންދާނެއެވެ.
މަޝްހޫރު މުމައްޘިލު ވިލިޔަމް ޝެކްސްޕިޔަރ، އޭނާގެ 'ޓްވެލްފްތު ނައިޓް' ގައި ލިޔެފައިވެއެވެ. "އެއްބައި މީހުންނަށް މޮޅުކަން ވާރުތަވަނީއެވެ. އަނެއްބައި މީހުންނަށް އެމީހުންގެ އަމިއްލަމަސައްކަތުން މޮޅުކަން ހާސިލުވަނީއެވެ. އަނެއްބައިމީހުންނާ ދިމާޔަށް އެހެންމީހަކު މޮޅުކަން އެއްލަނީއެވެ." ތިޔަ ލިބުނު މޮޅުކަމަކީ މުހަންމަދު އިބުރާހީމާ ދިމާޔަށް ގޮޅާބޯ އެއްލި މޮޅުކަމެއްކަން މުހަންމަދު އިބުރާހީމަށް އެނގޭފަދައިން އަހަރުމެންނަށްވެސް އެނގެއެވެ. އެކަމަކު އޭގެ މާނައަކީ މުހަންމަދު އިބުރާހީމުގެ މަޤާމުގެ ވާޖިބު އަދާކުރުމުގައި ގޮޅާބޯއަށް އަޅުދާސްތުވާށެކޭ ނޫނެވެ.
ދިވެހިރާއްޖޭގެ ޤާނޫނު އަސާސީގެ 167 ވަނަ މާއްދާގެ (ށ) ގައި ބަޔާންކޮށްފައިވާގޮތުން "އިލެކްޝަން ކޮމިޝަނަކީ ވަކިފަރާތަކަށް ބުރަނުވާ މުސްތަޤިއްލު މުއައްސަސާއެކެވެ." ވީމާ މަޤާމުގެ ހުވާކުރާވަގުތުން ފެށިގެން، މުހަންމަދު އިބުރާހީމު ތިޔަ މަޤާމަށް ނޮމިނޭޓްކުރީ ވަކިޕާރޓީއަކުން ކަން ހަނދާން ނައްތާލައި، ޤާނޫނު އަސާސީގައި ބުނާގޮތަށް އަމަލުކުރުން ލާޒިމުވާނެއެވެ. ގޮޅާބޯ، އޭނާގެ ޑީއާރުޕީ އާއި އިތުރު 2 ގޮނޑިކޮއްކޮ ޕާޓީގެ އެހީގައި އިލެކްޝަން ކޮމިޝަނުގެ މައްޗަށް އަތްގަދަ ކުރަން ރާވައިފައިވާކަން އަހަރުމެންނަށް އެނގެއެވެ. އެހެނަސް އެއީ ޤާނޫނުއަސާސީގެ ބާރު ކަނޑުވާލާން އޭނާ ރާވައިފައިވާ ރޭވުމެއްކަމާއި، އެކަމުގައި ބައިވެރިވެރިވެއްޖެނަމަ، އެކަމަށް ޖަވާބުދާރީވާން ޖެހޭނީ ޚުދު މުހަންމަދު އިބުރާހީމު ކަން ހަނދާން ބަހައްޓާށެވެ.
މުހަންމަދު އިބުރާހީމަށް ލިބިފައި ތިއޮތް ޓީމަކީ ވަރަށް ތަފާތު މީހުން ހިމެނޭ ޓީމެކެވެ. އޭގެ ތެރޭގައި، އިޚުލާސްތެރި ރިފޯމިސްޓުންވެސް ހިމެނެއެވެ. އަދި އިނގިރޭސި ވިލާތުގައި އިންތިޚާބާ ބެހޭ ޚާއްސަ ތަމްރީނު ހަދާފައި ތިބިމީހުން ވެސް އެބަތިއްބެވެ. އަނެއްކޮޅުން ހަމަތިޔަ ޓީމުގައި، ރިޔާސީ ކެންޑިޑޭޓަކު މަސްވެރިކަމުގެ ސިނާއަތަށް ކޮށްފައިވާ އެތައް މިލިޔަން ޑޮލަރުގެ އިންވެސްޓްމެންޓެއްގައި ހުޅުޖަހަން، 2004 ގެ އޮގަސްޓް 12- 13 އިގެ ދުވަސްވަރު ރޭވި މީހަކުވެސް ހުރެދާނެއެވެ. އަދިއެމީހެއްގެ ހަލާލު އަނބިމީހާއާއި ރިޔާސީ ކެންޑިޑޭޓަކު ބެހިފައިވާ މީހަކުވެސް ހުރެދާނެއެވެ. ވީމާ އެފަދަ ކަމަކާހެދި ވަކިފަރާތަކަށް ޖެހިފައި ވާބަޔަކު ޓީމުގައި ތިބިތޯބަލައި އެމީހުންގެ ރުޅި މައިތިރިކޮށް، އިންސާފުވެރި ބަޔަކަށް ހެދުމަކީ މުހަންމަދު އިބުރާހީމުގެ މަސްއޫލިއްޔަތެކެވެ.
މުހަންމަދު އިބުރާހީމަކީ ސަރުކާރުގެ ވަރަށް މުހިންމު 2 މުއައްސަސާއެއް ހިންގުމުގެ ނަސީބު ލިބިފައިވާ މީހެކެވެ. ނަމަވެސް އެއިން އެއްވެސް ތަނެއްގައި މާބޮޑު ލޮނެއް ދެއްކިފަކައެއް ނެތެވެ. މިހާރު ލިބިފައި ތިވަނީ ފާހަގަ ކުރެވޭފަދަ ކަމެއްކުރަން ހަޔާތުގައި ލިބޭނެ އެންމެ ފަހުގެ ފުރުސަތެވެ. ތިޔަފުރުސަތުގެ ބޭނުން ހިފާށެވެ. ތެދުވެރިވެ ވަފާތެރިވާންވީ ވަކި މީހަކަށް ނޫނެވެ. ތިމާގެ އުފަން ގައުމުގެ ހާލަތު ރަނގަޅުކުރުމަށް ތިޔަ ލިބުނު ފުރުސަތު ގެއްލުވާނުލައްޗެވެ. އެހެންނޫނީ އެ ބަދުނާމު ތިމާގެ ދަރީންގެ ބޮލުގައިވެސް އެޅޭނެއެވެ.
ހަމަ މި މޭރުމުން އިލެކްޝަން ކޮމިޝަންގެ އެހެން މީހުންވެސް ރައްޔިތުންގެ ހައްގުގައި ހެޔޮ ނިޔަތުގައި ތެދުވެރިކަމާއެކި މަސައްކަތްކުރުމަށް އިލްތިމާސްކުރަމެވެ. އަދި، ވަގުތީ އާރާއިބާރަށްޓަކައި ދިވެހި ގައުމަށާއި ދިވެހި ރައްޔިތުންނަށް ޚިޔާނާތްތެރި ނުވުމަށް ގޮވާލަމެވެ.
10 comments:
muskulhin bunabaheh aovey dho aee balheh ge nagoo tedu sanfa aoneh gai kitanme dhuvahaku aothas e onunun nagaa eyge amilla zatah dookoh lumm hama kurin oi gudah eythi gudhu vaane eve.(reedhoo)
mohamed Ibrahimakee varah ihlaastheri beyfuleh faharugai ves vakikilhakah jehivadaeh nugannavaane, miee alhugandumennah libifaivaa thajribaage aleegai bunaa echheh.
S.U
He is a puppet of Golhaabo and he is a coward.
There is no way this team will serve the people. None of them will be unbiased nor will they refrain from bribes.
If Maldivian's think that putting on a new skin can change a snake's behavior they are sadely mistaken. What we see in the picture are alikes of snakes. Faithull only to Maumoon's whims.
I hope Mohamed Ibrahim will do a good job sincerely.
Walarus Mohamed Ibrahim is a man for CUT, His administration in MACL & MTCC are living flops. He is not a clean guy.Ask him how much CUT he took in MACL phase 2 and phase 3 and MTCC dragging programe. He is a corrupted bastard of Gayoom's Regime
meehaa ihlaastherivanee hama ekani golhaa sappeymen bunaagothah kanthah kureematha? kaleymen hiyhama nujehey gothakah kameh vejjenama emeehakee kaafarekeybunan ves golhaa sppeymen jehilumeh nuvaane.
makaru hadhan e meehunah majuboor vaane mi dhiya 6 dhao ra mi dhao raa thafaatheh adhi neh
ސައްޕޭ ! ތި ކުރާ ހިއްވަރަށް ސާބަސް ...މިއަންނަ އިލެކްޝަނުގައި ޓްރެވެންޑްރަމް ގައި ވޯޓު ފޮއްޓެއް ބެހެއްޓޭތޯ ބަލާދީ ބަލަ. މި ތަނަކީ ޤާސިމްގެ ސަޕޯޓަރުން ގިނަ ތަނެއް. އަދި ައާބާދީ ގެ ގޮތުން ވެސް ރާއްޖޭގެ ައތޮޅެއްގެ ަޢބާދީ
މެދު ރާއްޖޭގެ ައަތޯޅަކަށް ކުރާ ޚަރަދުވެސް ކުޑަ ވާނެ ..
ihakah dhuvahu thiya maahiru India ah ais India ga thibey dhivehin magu furadhdhan varah masakkaiy koffaa ve veve. eynaa akee seedhaa DRP ge member ekeve.atholhuverikamuga huregen kanthah hingaafaivaa fadhain mihaaru thiya commition ga ves kan kuraane kamee yageenvaa kamekeve.meenaa India ah ais ulhunu gothun echcheh nubune nuhurevigen echcheh bunelumun araa huree narugadu gaeve. efahun fenunas fenna kamah ves nuhadhaeve. meenaa akee ekamaku magey athun cigaret buri athulaigen boi hadhaafa huri golaekeve.
Post a Comment