ޒައީމުއެވެ. އެންމެހާ ދިވެހިން، ޤާނޫނު އަސާސީ އިސްލާހު ވުމުގެ އުފާފާޅުކުރަމުން ދާއިރު، ޒައީމު ތިކުރާ ފުންހިތާމައިގައި އަހަރެންވެސް ބައިވެރިވަމެވެ. ޒައީމު ތީއަހަރެންގެ ކުޑައިރުގެ ޖިގުރީ ދޯސްތު ވިއްޔާއެވެ. އެހެން ނޫނަސް، މިހާރު ޒައީމު ކެބިނެޓު ހަލުވަން ތައްޔާރު ވަމުންދާއިރު މަށައްވެސް ޒައީމު އޮފީހުގެ ބޮޑު ކޮޓަރީގައި ފޮޓޯގަނޑެއް ކުރަހާލަން ލިބޭނީ މިހެން ވައި އަޅުވައިގެން އުޅުނީމާ ނުންހެއްޔެވެ.
ޒައީމުއެވެ. ޒައީމު ޖަލްސާއަށް ދާންނުކުތް އިރުވެސް، މަބުނީމެއްނުންދޯ، ތިޔަހެން ހިތާމަވެރި މޫނެއް ދައްކައިގެން އެތަނަށް ނުދާށޭ. އެކަމަކު ޒައީމު އެތަނަށް ގޮސް އިނީ އެއްކަލަ މިރުޒާގު ޒައީމުގެ އަންހެނުން ތަޅާލި ދުވަހު އިންގޮތަކަށް ނުންހެއްޔެވެ. އެންމެ ފަހުން، އެތަނުން ނުކުމެގެން އައީ އެއްވެތިބި އިއްޒަތްތެރީންނަށް ސަލާމްވެސް ނުކޮށް ނުން ހެއްޔެވެ. ޒައީމު ދެއްކިވާހަކައިގައި "ޒަމާން ތަކަކަށް ދެމި ހުންނަ އިހުސާސް ތަކެއްގެ" ވާހަކައެ ދެއްކީ މިއަދުގެ ހިތާމަ ޒައީމުގެ ހިތުން ދުވަހަކުވެސް ނުފިލާނެ ވާހަކަ ބުނަން ދޯއެވެ.
ޒައީމު ތީގަދަޅާއިއެކެވެ. ޒައީމުގެ ވާހަކައިގައި ބުނި "މުހިންމު ހިނދުކޮޅު" ތިޔަބޭނުންހިފީ ވަރަށް މަތިވެރި މަޤުސަދެއް ހާސިލު ކުރުމަށެވެ. އާއެކެވެ. ޒައީމުއަށް ކުރިމަތިލެވޭ ގޮތަށް އެއީ 'އާ ޤާނޫނު އަސާސީ" އަކަށް ހެދުމަށްޓަކައި، ވީހާ ގިނައިން 'އާ ޤާނޫނު އަސާސީ" އޭ ކިޔުމަށްނުން ހެއޔެވެ. އަދި ނުވީތާކަށް އެއްކަލަ ހަވަރު ތުންފުހި އަނީސާ އަރުވައިގެންވެސް ތިގަތީ އެގަނޑެއްނުން ހެއްޔެވެ.
ޒައީމުއެވެ. މިއަދުންފެށިގެން އިންސާނީ ހައްޤުތަކާއި ޑިމޮކުރަސީގެ އާ ދައުރަކަށް ދިވެހިރާއްޖެ ދާވަހަކަ ޒައީމު ތިޔަތާގަ ތިހެން ބުނީމާ އެބުނެވެނީ ކީކޭކަން އެބަ ވިސްނޭހެއްޔެވެ. އެބުނެވެނީ، ޒައީމު މިރާއްޖޭގައި 30 އަހަރު ވެރިކަން ތިޔަކުރީ އެއްވެސް އިންސާނިއްޔަތުކަމެއްނެތި ޚުދު މުޚުތާރުގޮތުގައި ކަމަށެވެ. ހަޤީޤަތަކީ އެއީކަން މަށަށްވެސް އެނގެއެވެ. އެކަމަކު އެހެން އެއްބަސްވާ އެއްޗެއް ނޫނެވެ.
އެއްޗެއް ބުނެބަލާށެވެ. "ވަގުތުގެ ވިކާލުމޭ"، "ހަންޖަރުޖެހުމޭ" ކިޔައިގެން ޒައީމު އެދެއްކީ ކޮން ވާހަކައެއް ހެއްޔެވެ؟ ތިޔަ ބުނަނީ ޒައީމު ދިވެހިރައްޔިތުންގެ ބުރަކަށްޓަށް ހެރި ގިނަގުނަ ހަންޖަރުތައް އެއީ، ޒައީމު ހެރި އެއްޗެއްނޫނޭ، ވަގުތާއި ޒަމާނާއެކު އަމިއްލައަށް ހެރުނު އެއްޗެތިތަކެކޭހެއްޔެވެ. ނޫނޭ ސަޅިއެވެ. ތިޔައީ ރަނެއް މަލެއް ފަދަ ލޮބުވެތި ޒައީމުއެކެވެ.
ޒައީމުއާއި މަށާ ނުން އެހެން މީހުން ސްޓޭޖުތަކަށާއި ހަރުގެތަކަށް އަރައި ޤައުމާ މުޚާތަބުކޮށް ވާހަކަދެއްކުމަކީ، ޒައީމު ނޫނަސް މަގޭބޮލަށް ވެސް އުނދަގޫވާކަމެކެވެ. އެކަމަކު ޤާނޫނު އަސާސީ ތަސްދީގުކުރާ ޖަލްސާގައި، ޤައުމަށްކުރިމަތިވެފައިވާ ހުރިހާ މައްސަލައެއްގެ އަސްލަކީ ޒައީމުނުން މީހުންވެސް ސްޓޭޖުތަކުގައި ވާހަކަދައްކާތީއޭ ބުނީމާ ބައެއް މީހުން ދެކޭނީ އެއީ ޑިމޮކުރަސީއާ ޚިލާފު ބުނުމެއްކަމަށެވެ. އަދި ތިމަންނާއެކަންޏޭ ހަޤީޤަތަށް ވާހަކަދައްކަނީ، ދެން އެހެންމީހުން ވާހަކަ ދައްކަނީ ހަޤީޤަތް އޮޅުވާލާށޭ ކިޔައިގެން، ޒައީމު ކަހަލަ ދުވަހަކު ތެދެއްނުހަދާމީހަކު ވާހަކަދެއްކީމާ، މީހުންނަށް ހީވާނީ ޒައީމު ތިޔަ އުޅެނީ ދުލުގެ މިނިވަންކަން ނިގުޅައިގަންނާށޭއެވެ. ކޮންމެޔަކަސް، ބޯން އުޅުނު ބޮނޑި ތިޔައޮތީ ބޮވިފައެވެ. މަގޭ ނަސޭހަތް ނާހާގޮސް ތިޔޮއްގޮވި ކޮހަކުން، ޒައީމު ތިޔައީ ޑިމޮކުރަސީގެ އުސޫލުތައް އެއްގޮތަކަށްވެސް ނުދަންނަ ރުނޑި ޔެއްކަން ތިޔައޮތީ މުޅިޤައުމުގެ ކުރިމަތީގައި ބޭޒާރުވެފައެވެ.
ޒައީމުގެ ތިޔަހުންނަ ވަގުގޮތެއްދޯއެވެ. ޤާނޫނު އަސާސީގައި ސޮއިކޮށްފައި ސޮއިކުރި ގަލަންވެސް ތިޔައުޅުނީ ޕަކަޅާކޮށްލައިގެން ގެޔަށްގެންދަންދޯއެވެ. ތިޔައީ ކުޑައިރުއްސުރެން ހިފައިފައި ހުންނަ އާދައެއްދޯއެވެ.
ދެން މިފަހަރު ކުރުކޮށްލާނަމެވެ.
ޤާނޫނު އަސާސީ އިސްލާހުވީމާ ޒައީމު ތިޔަކުރާ ހިތާމައަށް ސަލާމް؛
ޒަމާންތަކަށް ދެމިހުންނަ ޒައީމުގެ އިހުސާސް ތަކަށް ސަލާމް؛
ޒައީމުގައިގައި އެކިވަގުތު އެކިކުދިންނާއި ޒަކަރިއްޔާ ހަމިއްޓޭ ވިކާ ވިކުމަށް ސަލާމް؛
ދިވެހި ރައްޔިތުންގެ ބުރަކަށްޓަށް ޒައީމު ހެރި ހަންޖަރުތަކަށް ސަލާމް؛
ޒައީމު ކެނޑިނޭޅި ތިޔަހާމަކުރާ ހަޤީޤަތާއި، ޒައީމުއާ ވަކިވާ ކޮންމެ މީހެއްގެ ބޮލުގައި ތިޔަ އަޅުވާ ދޮގުބޮނޑިއަށް ސަލާމް.
1 comment:
Zaeemu ge dhovefa(Malaeikathun)oh thedhuveri hithah salaam. Ehenoonas Hurihaa Rasoolun ves nabiyunves ithurufulhu kommeves varakah kudhi namaves hehdhevikan saabithuvey. Muhammadhu (SAW) ge faanu fiyavaa. dhen thibunanee zaeemu dhogu nuhadhaavaahaka. thee hama nooreh aligadhakamun gos nubai meesthakunan udhagoovanee. rasoolu zamaanuga faalhuviama rangalhuvees kamah kudaikoh heevey. dhen makunufaanah dholagehga baavaalehvi verikamah ginaguna dhuvasthakeh vefa ithuru democracy verikamakah kurimathi nukuravaa tho raiyithun ekuraa dhuva ge ves barukameh nethee makunufaanu liyuhvaigen hukuru huthubaa ga ekiyaa vanavaruhen heevey. aharumen reyaa dhuvaalu miheydha kuraa vaguthah salaam. badhaluvi democracy ah salaam.
Post a Comment